刘敬雯

介绍：2013年参演香港电影《狂舞派》出道，之后拍过一啲电影，2017年进军乐坛。刘敬雯由小学五年班开始到加拿大多伦多Earl Haig Secondary School留学，喺多伦多大学读完经济系（同修东亚研究）学士之后留喺当地打工。佢16岁参加过多伦多嘅新秀歌唱大赛，但无攞奖。佢24岁时开始学街舞，27岁嗰年惹到猪流感，惊自己无时间跳舞，所以病好之后就放弃加拿大嘅事业同男朋友返香港，全程投入跳舞嘅梦想。到2013年，佢畀导演黄修平赏识，搵佢做电影《狂舞派》其中一个跳舞嘅角色。2016年，佢畀音乐人戴伟赏识，搵佢唱电影《点五步》嘅插曲《Seems Like So Far Away》。到2017年，佢以34岁嘅年纪正式加入乐坛，推出头一隻派台歌《反方向》。