其實系粵語入邊，“打救”讀歪啲，就係“打鳩”，所以系電影嘅最後，我聽到果只需要用第一聲唱出嚟嘅歌，我就諗：導演你係咪專登嘅。然後笑到爆肚。

其實去睇春嬌同志明，只系一個例行儀式，有啲似洗濕咗個頭，咁你無理由唔洗埋落去。但係居然出乎意料之外，我好buy彭導今次啲gag，可能系好多人眼中，系爛gag，甚至可能系“屌，都唔知你講乜七”，但係我居然好喜歡呢啲系大銀幕打擦邊球，攞正牌講鹹濕嘢嘅gag。突然覺得好撚真實，就好似系我同我啲損友，永遠系度講對方啲“衰嘢”，但係其實心裡面知道，對方有事，一定會企出嚟撐佢。

本嚟我想講，希望每一個余春嬌都可以搵到佢嘅張志明，但係我系落手（打字）之前，突然醒起，其實呢部只系一部電影，就算佢幾撚真實，都只系電影。現實中嘅大齡未婚女青年，無一個系余春嬌；而果個“萬千少女心目中嘅白馬王子”張志明，亦都只系一個電影角色而已。

不過都好多謝彭導嘅電影，話我知就算女人去到四十，都有可能遇到果個啱嘅人。或者講，都有可能系前期遇到果個啱嘅人，然後四十歲先修成正果。

唔緊要啦，單身狗各有各嘅原因，未結婚又總有自己嘅理由，可能都只系因為未遇到外星人，所以未落到決心而已。