球场解说:忽然之间天降大雨,两队开始乱踢,边个搏到懵呢就有入球,搏唔到就冇入球,但系冇乜用喔,因为个场地太扇啦,亦都呢好多水氹系度,滴泥呢亦都越来越多,双方睇睇有冇机会啦。趁对方扇系度嘅时候,李堂有机会啦,右边一射,个波重冇乜力,龙门将距打低晒,距想摞又跌翻系度,个波去咗右面,大家摞唔到波。新生队抢到啦,可惜又扇一跤,哇连阿波王都扇系度啊。李堂将个波踩到右边,大家宜家系红衫交比蓝衫,蓝衫又交翻比红衫,双方都系球来球往噶喈,睇唔到乜野特别嘅技术。睇来新生队都冇乜机会噶啦,但系依然系竭力作战啊,永不气馁。中间有机会啦,个波比翻右传,单刀啦,直射龙门,去到六码地段,射啦,哎呀,可惜阴公咯,扇脚啊,可能有氹水扇住脚,然之后呢个波又射唔到。李堂扇系度,企翻起身,咦?跌咗只鞋嘅?睇来仲有几分钟就完场啦,新生队实输硬啦。李堂另一只鞋都跌埋,好似个赤脚大仙,但系睇起来距一滴事都冇,继续比赛。李堂带住波越杀越勇,连过两关,再过另一个球员,杀过小龙门,一个转身对住波王金,过到关就可以射啦,距地互相顶位,双方一拨,冲前,射中守门员面口,李堂弹起身再来个倒挂,入波啦!!!